سؤال عن نقل معلومات الجواز لابناء المواطنة

Question

مرحبا

بالنسبة لمكاتب المولات  كل ماروح انقل معلومات ويسالوني اذا من مواليد السعودية اقوله نعم يقولو من الجوازات الرئيسية
ورحت على الرئيسية خلص الدوام وانا انتظر دوري

يعني حسبي الله ونعم الوكيل     
قال امتيازات قال  لو اني عل كفالة شركة كان اخذها المعقب وانا قاعد في مكتبي

متى يحطوها اونلاين ونفتك من شوفت وجيهم

حطو تجاربكم بهالخصوص  وايش اخذتو اوراق

Answer 1

انت زعلان على كذا ؟ طيب وش رايك بالي عنده سفرة مهمة بالعيد وماصدر جوازه الا اخر يوم دوام .. ويوم راح للطوارئ قالو معليش هذا يحتاج الختم المثلث ومايمديك الا بعد العيد يمين يسار ماينفع وحقين الشركات يخدمونهم بكل اريحية
المشكلة تدري وش هالختم ؟؟ ختم مثلث ينقلون المعلومات الموجودة بالختم بجوازك القديم للجديد فقط بدون حتى مايناظر الارقام ولا يشيك شي بالكمبيوتر ولا شي
تخلف عجيب ابشرك اعلنو عن الخدمة انها بتتدشن مع التاشيرة المتعددة .. لاكن الله واعلم ماراح تشمل المواليد بسبب هالختم الفاشل

Comments

في عندي في الجواز القديم ختم مواليد السعودية ومكتوب عليه رقم شهادة الميلاد ,وختم دايري مكتوب عليه اضافات  

تخيل انا ناقل معلومات جواز السواق بكل سهوله  واحنا قاعدين نتبهدل

جوازات الفروع اللي في المولات مافيها الا نقل معلومات جوازات السواقين والخدامات والعماله المنزلية  واحنا بنتبهدل  

بالنسبة للخدمة لم يعلن تدشينها للان

حسبي الله عليهم