انتهيت من تصديق خلو السوابق وطلبو شي جديد

Question

الحمد لله بعد ماانتهيت من تصدق خلو السوابق من سفارة عمان  وسلمتها للبحث ورسلوها للاماره قعدت أسبوعين ورجعت ثاني ويوم رحت اراجع طلبو برنت بالسفرات من الجوازات هل احد قد مر عليه هالشي

Comments

اخوي ماكس وين تعامل اوراقك !؟ ومن طلب منك تصديق خلو السوابق من عمان !؟

لان اليوم اتصلت ع الشرطه اسال الاخت الي اعامل اوراقي عندها ع تصديق شهادة خلو السوابق هل صحيح ان سفارة اليمن السعوديه اصبحت ف عمان قالت لا ماسمعت واذا الخطيب مواليد المملكه يكتفي بالاقرار والتعهد ويوقع وتصدق من سفارة السعوديه ويكتب عدم القدره للسفر ..... الخ

---

انا برضوا من مواليد السعودية ومعاملتي بأمارة المدينة وغير صحيح اللي قالته لك انا بالبدايه قالوا جيب ورقه وتعتبر روتينية بدون أي تواقيع جبتها وراحت الاماره وانرفضت وطلبوا تصديقها من القنصليه والخارجية السعودية بجده صدقتها وانرفضت ورجعت وطلبوا تصديق السفاره السعودية باليمن قلتلهم مافي سفاره قالوا انتظر الين تفتح وطلعت الرياض ورحت الخارجية وقالوا مالك الا السفارة السعودية بعمان هي القائمة ببعض اعمال السفاره السعودية باليمن ولو الورقه بيقبلوها بتنختم ولو مو مقبوله بيرفضوا الختم ووديتها والحمد لله انختمت ورجعت هنا ووديتها الاماره ماتكلموا على الختم لكن طلبوا مني برنت من الجوازات بعدد السفرات رحت الجوازات قالوا لازم الجهه اللي طلبتها هي اللي تخاطبنا رسمي رجعت البحث ورسلوا الخطاب الثلاثاء اللي فات و تأخذ أسبوع لانها بالبريد وبكرا براجعهم

---

مابقول الا الله المستعاااااان وننتظر،، لان لسه قبل اسبوعين واحد هنا قال طلبو منه تعهد واقرار خلو من السوابق وتوقيعه وتصديق من السفاره اليمنيه ف جده نفس ماطلبو مننا وماشاءالله تبارك الله وصلت معاملته للمحكمه..اعتقد كان ف المدينه وتعكست معاه فحول جدة..

ع العموم الله يسخرلك الخير ولكل ولي وليه..

---

اخوي ماكس الله يسعدك ممكن تشرح كيف سويت ورقة خلو السوابق من عمان

---

اخوي سالم .. انا ماطلبو من الخاطب خلو سوابق من عمان بس طلبو اقرار وتعهد وتوقع فيها وتختمها من السفاره اليمنيه ف جده .. والحمدلله المعامله الحين وصلت المحكمه .. والله يسهلك ويسرلك وللجميع يارب

---

من امارة انت مقدم اخي زليخة

---

ايوا والاماره حولتها للشرطه والشرطه طلبت الاوراق من ضمنها خلو السوابق لاكن بحكم صعب الوصول لليمن طلبو من الخاطب اقرار وتعهد تكتبه بخط يدك وتوقع عليه وتختمه من السفاره اليمنيه .. والله يسهلك ويسرلك امورك

Answer 1

لا مامر اذا مر عليك افيدنا الله يسعدك وشكرا