طيبعة معاملات المدينة المنورة

Question

السلام عليكم ورجمه الله وبركاته
حابه اسئلكم يا اخوان عن طبيعة معاملات الزواج الي تنرسل الى المدينه المنورة
خطيبي قدم المعاملة وهو الطرف السعودي من جدة ارسلت شرطة جدة المعاملة الى امارة المدينة
بعدين اترسلت من امارة المدينة الى شرطة الفيصلية  عموما طلبوا نكمل الاوراق من الجوازات والاحوال وشرطة النساء
وبعد خلصنا وسلمناهم الملف كامل بعدين باقي تنرسل جدة صح ؟
طب ليش لحد الان ما رجعت ايش السبب؟
صار لها اربع اشهر من صفر لحد الحين
انا خايفة! تنصل عليهم لا حس ولا خبر
وانا صراحه ما اقدر اروح اسئل عنها  هل سبب جلوس المعاملة في المدينة  تعقيد المعاملات الي توصلها لان في واحد قال انو اترسلت معاملتوا من جدة الى الرياض عشان تصديق شهادة الميلاد وصار لها 3 اشهر بسبب انو المعاملات الي توصل الى الرياض تطول وبعدين رجعت جدة انا صار لها اربع اشهر تتوقعون في شي وهل المعاملة تتوقعون نحفظت انا خايفة يا ناس وربي بديت اوسوس الي عنده حل يقولي بس انا وابوي ما نقدر نروح نسئل
تكفون ساعدوني .

Answer 1

والله ي اختي انا خطيبي كان بالشرقيه وانا من منطقة ثانيه بس خلصت انا التحليل ارسلو الاوراق للشرقيه وخلص كل مطالبهم من تحليل واوراق وبصمات..
وبس خلص كل شي ع طول رجعوها ع منطقتي عشان انا اكمل الباقي
م اخذت كثير لحتى ارسلوها

انتي خلي احد يروح ويتابعها ويحركها يشوف ليش التاخير

Comments

انا وياه سوينا التحاليل من زمان وخلصناها من جدة بعدين جلست بشرطة جدة وطلبوا منه تعريف براتب وعطاهم خلص كل شي بعدين رسلوها للمدينة لي انا عشان التحقق طلبوا منا اوراق نعبيها سلمناهم كل شيالملف كامل من بدايه شهر 3 والحين قربنا نخلص شهر 4 وللحين ما رسلوها لجدة وتقريبا نراح تخلص مدة التحليل لان من زمان سويناها نسئلهم وما يردوا علينا مدري ليش والله خايفة يا اختي

Answer 2

عليكم السلام اختي
للامانة سبق وجاوبتك على ذا الاستفسار بس مايضر اكتبه مره ثانية

المعروف ان امارة المدينة لازم رجال وبالتحديد من الطرف السعودي الي لازم يتفاهم معاهم، ف خلي خطيبك اذا كان سعودي او بابا او حد من اخوانك لو كنتي انتي السعودية يتاابع مع امارة المدينة (ليس باتصال عن طريق التليفون) بل زيارة

التليفون مو دائما حل، لازم زيارتهم مرة ومرتين وثلاثة

و دام مستوفين الشروط واموركم طيبة، ورجعت ثاني من الداخلية بطلب استيفاء باقي النواقص يعني مافي رفض ان شاء الله، فقط مجرد وقت , والي مأخركم دحين عدم المتابعة بشكل شخصي والله اعلم

بس عليكم بالمتابعة وزيارتهم بشكل شخصي وربي يوفقكم

Comments

يا اختي الطرف السعودي بجدة وانا الطرف الغير سعودي والمعاملة مو في امارة المدينة  خلصت من الامارة ورسلوها للشرطة
واحنا عملناا استثناء للعمر ومشيت المعاملة وخلصت من الدالخلية في جدة  وخلصت من التحقق في شرطة جدة وجات الى تحقق في شرطة المدينة لان انا مواليد المدينة وهوا جدة  كملنا اوراقنا  وصدقنا شهادة الميلاد وخلصنا. باقي تنرسل جدة اتصلنا عليهم قالوا كم يوم ونرود وللحين ماردوا عشان كذا سئلت من جديد يا اختي .؟! وعموما زيارة للشرطة ما اقدر اروح ولا حتى بابا !.

Answer 3

وعليكم السلام ورحمة الله وبركاته..

للأسف عزيزتي ما فيه حل إلا تروحون تسألون بنفسكم ، ما فيه أحد يقدر يفيدكم هنا بحالة المعاملة..
لأنه كل معاملة ولها حالات خاصة ولها شخص يدرسها ويراجعها ولها متطلبات معينة..

لهذا ما فيه إلا تراجعوا بنفسكم كل فترة..

تحياتي..