إحالة من مركز الاتصالات الى شرطة جدة؟؟

Question

امس وانا اشيك كانت كل شوية تتغير حالة المعاملة الين ماوصلت للإتصالات الإدارية موقعة بعدها بنص ساعة شكيت وصلتني بانها بمحافظة شرطة جدة ومعاها رقم قيد ولمن رحت اليوم قالو انها كل المعاملات رجعت بسبب جواز السفر هل احد حصل معه كده؟؟ جاوبوني الله يسعدكم

Comments

اغلب المعاملات رجعت بسبب القرار الجديد الي هوا يطلبو جواز السفر الاصل وصوره يتطابق وتعطيهم ويرجعوها من جديد.

---

انتي صارلك كده ولا؟؟

---

ايوا طلبوا الجواز وقالو قرار جديد لان اول كان الجنسيه اليمنيه والمواليد ماياخذو جوازهم انا وكدا وحده هنا معانا في المنتدىً

---

ما فهمت كيف الجواز الأصل؟ يعني زي شهادة الميلاد تحتاج صورة طبق الأصل؟

---

لا الجواز حقتك تاخذيه وتاخدي صوره للجواز وهما يطابقوه ويرجعولك جوازك الاصلي وياخذو الصوره

---

طيب ومشيت المعامله ولا باقي؟

---

ايوا رجعت للمحافظه الحمدلله عقبال الاماره يارب

---

هذه في شرطة جدة ؟

---

ايوا انا كنت مخلصه اوراقي وكل شي وراحت المحافظه ورجعوها عشان الجواز ولمن اعطيتهم رجعوها للمحافظه

---

الله يسهل الامور يارب .. والله الواحد تعب من كثر التعطيل .. الله المستعان

---

والله منجد تكوني دوبك خارجه من عندهم ومخلصه يتصلوا عليكي ثاني يوم اتغير نموذج او جا قرار .

---

بس انا خلصت من الامارة وكانت ترى معاملة جديدة وعدت وتوقعت وكل شي بس فجاءة رجعت انتي ماقد راحت للامارة؟

---

لا انا كل مرا برجعوها المحافظه ،،، يعني موضوعك اسهل باذن الله كملي الباقي وحترجع للاماره

---

الله المستعان يارب الصبر الصبر مفتاح الفرج

---

اهها يالله يارب تتسهلك باذن الله وتجيك الموافقة…. باذن الله الله يسمع منك

---

يارب خلال دي الاسبوعين نسمع اخبار حلوه عن كل الي في الموقع♥️♥️♥️

---

حابه استفسر بعد ماكملنا الناقص رجعت للمحافظه اخر شيء كانت احالة خارجية الى مركز الاتصالات الادارية باجراء موقعة وبعدين ارسلو انها صدرت للامارة فهموني ليش رجعت للامارة ليش مو للمحكمة؟

---

لان هيا اسااسا ماكملت من الاماره لازم تكون الاوراق كامله عشان تخلص المعامله وهيا تخلص من الاماره فرجعت الاوراق لمكانها الاساسي .

---

كيف كده لان قبل ماترجع للشرطة قال انها كامله وموافقة بس باقي توقيع السمو؟ واليوم توقعت وخلصت ورجعت تاني

---

توقيع السمو يكون في الاماره مو المحافظه ،التوقيع الي انت تشوفيه في المحافظه هذا حق وكيل المحافظه يوقع بان الملف كامل ويوصل للاماره ،فهمتي ؟

---

اها الان فهمت يلا الله يسهل يارب وانتي ماجتك الموافقة لسى؟

---

انا اليوم جاني انها صدرت وغالبا تكون للشؤون الامنيه ، كم جلست في الشؤون معاملتك؟

---

جلست ثلاث اسابيع باذن الله تتسهل

---

باذن الله يارب

---

خلصت معاملتك ولا بشريني؟

---

باقي بالشؤون دعواتك

---

يارب يسهلها لكي تخيلي انا كنت احسب لمن ترجع الامارة يعني بتروح الشوؤن الامنية اثاري الصادر السري هو الشؤون قبل امس راحت وضاقت الدنيا فيني الله يفرجها عليكي وعليا يارب

---

ياعمري تعدي الاسابيع بسرعه اهم شي اوراقك كامله https://t.me/+TBxktvnWbwsxMTY0 تعالي قروبنا ذا

---

يارب يارب يارب يفرجها. يله دخلت

---

يابنات تقصدوا جواز السفر للسعودية برضوا يكون من ضمن الاوراق غير  الهوية ؟

Answer 1

اذا باقي الفترة على الاقامة  و الجواز  اقل من 3 اشهر او منتهية  ( غير سارية )  ترجع المعاملة  للتجديد

Comments

لا كل شيء مجدد

---

انا وقت ارسال المعاملة المرة الأولى كان باقي على إنتهاء الإقامة ١٠ أشهر وجلست ٧ شهور ورجعت إلى الشرطة الأسبوع الماضي عشان صورة الجواز أخاف تروح المحافظة وتجلس فترة وترجع ثاني عشان تجديد الإقامة لأنه باقي على إنتهائها شهرين و ٢٨ يوم ، الله يعين .

---

ليش ٧شهور فين كانت؟ ةل الفترة دي؟ اللي اعرفو ثلاثه شهور قبل ماتعرفين المعامله مش بعد مارفعتيها والله يسهلها يارب وترجعلك بموافقة

---

ثلاثة شهور وثلاثة اسابيع الشرطة لأنه دخل فيها رمضان وحسب كلامهم السستم يوقف ثم اسبوع المحافظة ثم اسبوع الامارة ثم شهر الشئون الأمنية ثم شهر ونص الامارة ثم اسبوع المحافظة ثم رجعت للشرطة وباقية عندهم من الاسبوع الماضي بإنتظار ارسالها للمحافظة